Research / 7MR/KZ

7-Minute Research (7MR) байқауы: Шабыттандыратын зерттеулер, сананы дамытып, қоғамға ықпал қалыптастыру
Профессор Шазим Мемонның бастамасымен ұйымдастырылған 7MR байқауы 2026 жылғы 9–10 сәуірде өтетін NU SEDS-тің 2-ші жыл сайынғы зерттеу конференциясы аясында Назарбаев Университетінде алғаш рет өткізіледі. Тұжырымдама SEDS Зерттеу комитеті тарапынан мақұлданды.
Байқаудың негізгі идеясы - бакалавриат, магистратура және PhD студенттеріне өз ғылыми зерттеулерін 7 минут ішінде таныстыру мүмкіндігін беру.
Іс-шара университет студенттерінің ғылыми коммуникация дағдыларын дамытуға, ғылыми зерттеулердің қоғамдық маңызын бағалауға, сондай-ақ Қазақстанда және кеңірек ауқымда зерттеу мәдениетін нығайтуға бағытталған.

Қатысу талаптары және іріктеу кезеңдері

Қазақстанның кез келген жоғары оқу орнында білім алып жатқан бакалавриат, магистратура және PhD студенттері (Қазақстан Республикасының азаматтары және шетелдік студенттер) байқауға қатысуға құқылы.
Өтініш берушілер ұсынылған ғылыми жұмыстың өздері тарапынан орындалғанын және оның академиялық адалдық қағидаттарына сәйкес екенін растауы тиіс.
Бірінші кезеңде студенттер өз зерттеулері бойынша 7-минуттық бейнепрезентация дайындап, оны Комитеттің қарауына ұсынуы қажет. Іріктеу нәтижесінде финалға өтетін жеті қатысушы анықталады. Финалдық кезеңде олар өз жұмыстарын 2026 жылғы 9–10 сәуірде Назарбаев Университетінде офлайн форматта ұсынады.
Егер финалға өткен қатысушы қандай да бір себеппен қатыса алмаса, оның орнына келесі үміткер финалға өтеді.

Байқау Ережелері

Презентация ағылшын тілінде ұсынылуы тиіс.
Топтық презентацияларға рұқсат етілмейді. Тек жеке ұсыныстар ғана қабылданады.
Презентация 7 слайдтан аспауы тиіс.
Презентация уақыты 7 минутпен шектеледі. Уақыт талабын сақтамаған қатысушылар байқаудан шығарылады.

Байқау барысында қатысушыларға ұсынылған презентация шаблонын пайдалану міндетті.

Презентация шаблонын жүктеп алу

Бірінші кезең үшін қатысушылар берілген PowerPoint шаблоны бойынша дайындалған 7-минуттық бейнепрезентацияны ұсынуы қажет.
Бейнежазбада слайдтар да, баяндамашы да анық көрінуі тиіс. Шаблонмен танысуыңызды сұраймыз.

Бағалау критерийлері

7MR Ақпараттық Сессиясы

7-Minute Research (7MR) байқауы бойынша ақпараттық сессия конкурс форматы, өтінім беру талаптары және тиімді 7 минуттық зерттеу таныстырылымын дайындау бойынша ұсыныстарға шолу жасады.

Сессияға қатыса алмадыңыз ба? Төмендегі негізгі материалдарды жүктеп алып, өтініміңізді дайындаңыз.

Презентацияны жүктеп алу

Жүлделер

Бірінші орын

300 000 KZT-ге дейінгі жүлде пакеті
Runner-Up

150 000 KZT-ге дейінгі жүлде пакеті
Бакалавриаттың үздік зерттеушісі

75 000 KZT-ге дейінгі жүлде пакеті
Қоғамдық әсері үшін үздік жоба

75 000 KZT-ге дейінгі жүлде пакеті
Көрермендер таңдауы сыйлығы

100 000 KZT-ге дейінгі жүлде пакеті

Қысқаша шолу және уақыт кестесі

Қаңтар

7MR байқауына өтініштер қабылдау басталады

31 Наурыз

І кезең - студенттер байқауға өтініш тапсырып, 7MR бейнепрезентациясына жібереді.

6 Сәуір

7MR финалға өтетін жеті қатысушы анықталады.

6 Сәуір

7MR финалистері слайдтар жібереді.

9-10 Сәуір

7MR финалдық байқауы.

9-10 Сәуір

7MR байқауының жеңімпаздары SEDS-тің жыл сайынғы зерттеу конференциясы аясында сертификаттар мен жүлделермен марапатталады.

Байланыс

Профессор Шазим Али Мемон - ғылыми жұмыс жөніндегі деканның міндетін атқарушы, Инженерия және цифрлық ғылымдар мектебі, Назарбаев Университеті - 7mr@nu.edu.kz